متقلقيش لـ محمود مجدى

متقلقيش

عارف ان اول مره ابات بره البيت
وان اول مره هصحى و مش هعكسك
عارفك بتبقى قلقانه و انا بره البيت
و مبترحميش نفسك عياط اصل انا عرفك

متقلقيش انا مش لوحدى معايا ناس هنا جنبى
وخدين بالهم منى و مالمذاكره و من درستى
انا حتى معايا 3 4 من اصحابى كانوا فى فصلى
و دايما بقابل اللى بشوفهم فى اتوبيس مدرستى

متقلقيش و طمنى ابويا و قوليله انا هنا فى امان
دا حتى الشيخ عماد يوماتى يجيبنا يحفظنا القران
و لما اخلص مذاكره بروح العب ويا انس
و على الشمال شباب بيشجعونا لو جبنا اجوان

متقلقيش معانا هنا دكتور و عساكر واقفه بعيد
على طول يحمونا لو حد جه علينا من بعيد
و كل يوم كلنا نتجمع و يحكولنا فى حكايات
و دايما على طول نضحك من هزار خالد سعيد

اغلب كلامهم عن البلد وعشان صغير مبفهموش
خايفين ليجى حد غيرنا و الناس على حالها ميتغيروش
بيحلموا دايما بالحق يرجع و يفضلو عالبال ميتنسوش
فاطمنى ابويا و اطمنى انا هنا مرتاح و متقلقوش

محمود مجدى

Page
www.facebook.com/MahmoudMagdyOfficial

.