بلدنا يامه لـ محمود مجدى

بلدنا يامه

عارفه يامه ليه نزلت ويا الناس ادافع عن حقى
عارفه يامه ليه مسكتش وكمان مقفلتش بقى
عشان مابحبش اتظلم و حقى بيبقى على رقبتى

وكمان يامه بحب البلد دى مش عايز منها اتغرب
و عشان كدا كنتى بتشوفينى فى ميت شغلانه بجرب
ولما لاقيت شباب زيي نازل ومن الحريه بيقرب

نزلت يامه عشان كل ظالم يسمع صوتنا
ونشيل الخوف من جوا الناس اللى كان باين من سكوتنا
ماهو لو فضلنا كدا ولا مليون سنه هترجع حقوقنا

عارفه يامه لو هيجرالى حاجه عشان البلد دى تتغير
هضحى وهعمل اى حاجه عشان اشوفها بتتغير
عارف انك زعلانه و بتعيطى من كلامى عشان سنى صغير

بس مش عايزك تزعلى لو لاقيتى الناس للاحسن اتغير حالهم
ازعلى لو فضلت الناس ساكته و شايفه الظلم فى بلدهم

 وازعلى اكتر وقولى ابنى مات لو مغيروش من نفسهم

عشان يامه انا واللى زيى نزلنا عشان البلد تفرح باكبر عيد
عيد الحريه و العداله و الاستقرار و حلم جديد
بحبك يا امى و بحب البلد و افرحى لو ابنك مات شهيد
بحبك يا امى

محمود مجدى

Page
www.facebook.com/MahmoudMagdyOfficial

.