اتمردى
اتمردى على حالك اللى مكتف ايديكى
يمكن يبانلك اللى دايما ناقص فيكى
جايز تلاقى اللى تايه منك من سنين
يمكن تعرفى مين خانك ومين شاريكى
عالى صوتك طول ما الحق عنوانك
اصل اللى خانك بضعفك برده هيخونك
اصل اللى هان عليه وجعك قلبك مره
صعب يحس بيكى او فى يوم يصونك
اتحركى قبل ما الوقت منك يفوت
دا الصبر مبقاش متحمل منك سكوت
ماتكسريش فينا الامل لو لسه باقى
و متحلميش و حلمك يبقى اخره تابوت
اتمردى عشان تعرفى اللى ليكى
بس اثبتى و هتلاقى الكل حواليكى
و اتشرطى و خلى طلباتك اوامر
دا كل واحد فينا متعشم فيكى
اتمردى على حالك .. اللى مكتف ايديكى
محمود مجدى
page
